الفرق بين استخدام few و a few
نستخدم few و لا a few ؟
علشان تعرف تستخدم الاتنين لازم تعرف معناهم الاول
معني few "مش كتير" او "قليل" او "بعض" خلي بالك ان "مش كتير" دا معني سلبي.
معني a few "عدد قليل" و هنا المعني مش سلبي مجرد بنقول بس العدد قليل بتاع الشيء
يعني لما نقول مثلا
It takes few weeks to complete the course
هنا المتحدث بيقول ان الدورة بتخلص بعد عدد اسابيع قليلة (مش كتيرة) و المعني هنا سلبي ، هو مضايق ان الدورة قصيرة و كان عايزها اطول من كدا
لكن لو قولنا
It takes a few weeks to complete the TOEFL course
هنا المتحدث بيقول ان دورة التويفل بتاخد عدد اسابيع قليلة و دا شيء كويس (مثلا مكثفة و هو عايزها في اسرع وقت)
الفرق تاني علشان لو مفهمتش ، few بتؤكد علي قلة العدد من الشيء اما a few بتقول ان العدد قليل بس و مش بتدي معني سلبي خالص ، ممكن العدد قليل في حاجات كتير و احنا مبسوطين بكدا زي لما نقول
There are a few students in the class
هناك عدد قليل من الطلاب في الفصل (احسن ما يبقي فيه 50 مثلا ، علشان يتعلموا صح)
لكن جملة زي
There are few students in the class, I'm afraid we can't continue this course
في مركز تدريب مثلا ، المدرب بيقول انه هيوقف الدورة علشان عدد الطلاب قليل اوي و مش ينفع يكمل مع 3 طلاب مثلا ، هنا few بس لوحدها فيها تأكيد علي قلة العدد و انه شيء سلبي
ليست هناك تعليقات
إرسال تعليق